بقلم – د فتحي الشرقاوي

ياسيدي..ياستي…ريحوا دماغكم شوية..مش معقول أبدا دماغك شغاله ٢٤ ساعة..ده حتى التلاجه و الغساله

ريحوا دماغكم شوية مش معقول أبدا دماغك شغاله ٢٤ ساعة..ده حتى التلاجه و الغساله الحديد بيفصلوا شويه علشان يعرفوا يشتغلوا. يبقى إنت مستني إيه من دماغك..مستني تضرب. ويزفوك ويقولوا..اللي مخه ضرب اهووووو ده إنت في الأول والاخر حبة لحم وعضم على شوية دم..لازم تفصل شويه..هتقولي.. طيب افصل

إزاي..واشيل أم الفيشه إزاي..أقولك..بس إنت استهدى بالله كده..وحاول تفهم..أول حاجه إنك لازم في بعض المواقف..تبقى فيها هايف وخفيف..ويمكن كمان عبيط..المواقف دي تحديدا لما بتكون بتلعب مع العفاريت الصغيرة ولادك وبناتك..أنا عاوزك تبقى طفل وإنت بتلعب معاهم..مش بتلعب وتضحك عليهم. أعمل زي ما بيعملوا وهم بيلعبوا مع بعض.بس لو أخدت قلم على وشك من واد حمار متزعلش.واعمل فيها إنك بتلعب…لا تتخيل كم الراحة إللي هتحصلك بعد ما سيبت العيل الشقى إللي جواك.وإنت بتلعب مع عيالك..كمان عاوزك تكبر دماغك.. مش كل

حاجه تفكير وتدبر واستنتاج واستقراء وتحليل وتنبؤ..الأيام بتعدي وبتمر..وسنين العمر بتمر..يبقى إنت عاوز توقف الدنيا عند دماغك ليه..لو حاجه تستاهل.. فكر وفكر..لكن لو حاجه ساذجه وتافهه ومش مهمه..تقوم قاعد تفكر فيها ساعات كتير ليه ؟عاوزك كمان تنتهز فرصه وجودك مع زمايلك..ومتقعدش متأسد كده..هزر معاهم وإضحك من قلبك..والعب كل اللي نفسك فيه..ومالكش دعوه بأولاد الكئيبة إللي هينتقدوك..واعرف إنهم بينتقدوك علشان مش عارفين يبقوا ربعك ولا نصك عاوزك كمان تدلع نفسكوتطبطب عليها و تصالحها..وكل ما تعمل حاجه حلوه..اعزمها واشتري لها كل اللي عاوزاه عاوزه أكل أكلها عاوزه تلبس اشتريلها عاوزه تتبسط روح روقها وابسطها وقولها بحبك يا أنا يارب نفهم..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *